Varlig byrjan upp á EM í svimjing

EvropaMeistarastevnan í svimjing í London er byrjað, og fyrstu føroyingar hava roynt seg í olympiska hylinum. Byrjanin kundi verið frægari, skrivar svimjing.com.

Fyrst at royna seg var Sára Ryggshamar Nysted úr Suðuroyar Svimjifelag, í 400 m. blandað.

Hon dragnaði nakað í firvaldasvimjingini, men kom aftur í rygg, áðrenn tað so gekk hinvegin aftur í bringu og frí.

svimjing.com skrivar, at tað var serliga skiftið millum rygg og bringu sum gjørdi gekk illa, tí Sára helt seg møguliga vera kolldømda.

Tað hevði við sær, at hon ikki gav seg full út, restina av kappingini. Hon kom á mál við tíðini 5:15.48. Sára eigur føroyska metið á 5:00.47.

Tað gekk væl betri hjá Signhild Joensen úr Ægir í 200 m. rygg.

Tíðin hjá henni var 2:21.58, sum er ein góð tíð, tó ikki hennara skjótasta, sum er 2:19.61. 

Myndina eigur svimjing.com