Fyrsta afturlatna sølan í dag

Í dag verða seld 3.500 tons av makreli og 2.000 tons av sild og 600 tons av botnfiski í russiska partinum av Barentshavinum á uppboðssøluni hjá Fiskimálaráðnum.

Klokkan trý selur Fiskamarknaðurin makrel og sild. Selt verður í 24 umførum, 24 linjur verða seldar. Tær eru millum 40 og 160 tons av sild og úr 75 tonsum upp í 225 tons av makreli.

Vørn selur 600 tons av botnfiski í Barentshavinum í afturlatnari uppboðssølu. Tey, sum ætla at bjóða, skulu lata Vørn boðið í seinasta lagi á middegi í dag.