Keypa meira um summarið

Brúkar tú meira pening í føroysku handlunum um summarið enn um veturin, so ert tú ikki einsamallur. Tað vísa nýggj hagtøl.

Keypihugurin hjá føroyingum er munandi størri um summarið enn um veturin, staðfesta nýggjastu hagtølini hjá Elektron.

Í juni brúktu føroyingar 74 prosent meira pening í føroysku handlunum enn í januar fyrra hálvár í ár sambært tølunum.

Greinin heldur fram niðanfyri

Til samans brúktu føroyingar í januar 167.791.205 krónur við gjaldkorti í handlunum. Í juni brúktu føroyingar 224.030.842 krónur við korti.

Í januar brúktu føroyingar í miðal 289,66 krónur, hvørja ferð keypt varð við korti í føroyskum handlum. Í juni var miðaltalið 310,86 krónur.

Vøksturin frá vetri til summar fyrra hálvár í ár var støðugur, vísa tølini. Keypihugurin hjá føroyingum vaks støðugt frá vetri til summar.