Hitast við bæði jarð- og fjarhita

bannari
Hitast við bæði jarð- og fjarhita
Mentamálaráðið hevur nú fingið eitt endaligt tilmæli, hvørja orkuloysn skúladepilin Glasir skal hava
Glasir, nýggi skúladepilin í Marknagili, skal hitast við bæði jarð- og fjarhita, er nú greitt, eftir at ivi hevur verið um, hvussu skúlin skal hitast
 
12.09.2016 - 12:36

Talan er um eitt samt tilmæli, sum eftir øllum at døma fevnir bæði um jarðhita og um fjarhita. Tað vátta fleiri limir í bólkinum, sum fyri 14 døgum síðan fekk eina viku at koma við eini loysn.

Kom bólkurin ikki til eina loysn, segði Rigmor Dam, landsstýriskvinna, at hon fór at skera ígjøgnum og nýta oljufýr at hita bygningin.

Eingin vil tó siga nakað meiri ítøkiligt um, hvat stendur í tilmælinum, sum er latið landsstýriskvinnuni. Landsstýriskvinnan hevur seinastu vikuna verið í Rio de Janeiro, og hevur ikki verið at hitta.

SÍ EISINI Eina viku at finna orkuloysn

Herfyri tók rættiligt stríð seg upp, tí landsstýriskvinnan eftir tilmæli frá Umhvørvisstovuni bað um loyvi at nýta 13 milliónir at gera jarðhita til Glasir.

Tá legði Fjarhitafelagið í Havn uppí og segði seg kunnu veita ein fjarhitaloysn uttan at gera nakra íløgu yvirhøvur. Tórshavnar kommuna eigur í Fjarhitafelagnum.

SÍ EISINI Trupult at velja jarðhita fram um fjarhita

Heðin Mortensen, borgarstjóri í Havn, og partamaður hjá Rigmor Dam í samgonguni á tingi, segði seg ikki kunna taka undir við hennara jarðhitaloysn, tí hon sampakkaði ikki við orkuætlanina hjá Tórshavnar kommunu.

Eftir harðan orðadrátt í fleiri dagar, bað Rigmor Dam, landsstýriskvinna í mentamálum, viðkomandi partar um finna eina loysn.

Tað hava teir eftir øllum at døma gjørt. Júst hvør orkuloysnin er vita vit ikki enn, men hon fevnir bæði um jarðhita og um fjarhita.

Er kopiera
Nýggjastu sendingar í ÚV
Sunnudag 11. mai
Bolero
191709
Sunnudag 11. mai
Guðstænasta í Haldórsvíkar kirkju
191708
Sunnudag 11. mai
Kallið: "Eg eri herprestur".
191424
Leygardag 10. mai
Jambalaja - 100525
191703
Leygardag 10. mai
Upp á tá - 090525
191699
Nýggjastu sendingar í SV
Leygardag 10. mai
Dagur og vika - teknmálstulkað
191687
Fríggjadag 9. mai
Veðrið
191675
Fríggjadag 9. mai
KAKUMiKS (6:7)
191658
Fríggjadag 9. mai
Dagur og vika - teknmálstulkað
191644
Hósdag 8. mai
Hondbóltur: Kosovo - Føroyar
191625