Samgonguskjalið liðugt

bannari
14.11.2016 - 07:58
AktueltPolitikkur
Samgonguskjalið liðugt
Borgarar í Tórshavnar kommunu verða settir fremst og kommunan skal framtíðartryggjast, stendur í nýggja samgonguskjalinum
Borgarstjórin í Tórshavnar kommunu skal ikki sleppa at sita í Løgtinginum eisini, stendur millum annað í nýggja samgonguskjalinum
 

Samgonguskjalið hjá nýggju býráðssamgonguni í Tórshavnar kommunu er liðugt, og hevur fingið heitið Vitin í Norðuratlantshavi.

Sambært tí verður borgarin settur fremst, og skjalið fer at framtíðartryggja Tórshavnar kommunu, stendur í tíðindaskrivinum. 

Eldraøkið skal raðfestast 

Komandi býráð hevur millum annað sett sær sum aðalmál at lyfta eldraøkið upp á virðiligt stig, við haldførum loysnum. 

Tað skal eisini verða spennandi hjá ungum at búgva og virka í kommununi. Skúlin á Fløtum skal byggjast beinanvegin, og samgongan hevur eisini sum aðalmál at virka fyri lægst møguligum skattatrýsti.

Samgongan fer eisini at stimbra grønar orkuloysnir og verja náttúruna ímóti dálking og ovurnýtslu. 

Siga seg vilja arbeiða fyri mentanini

Arbeitt verður fyri at mentan og list síggjast aftur, bæði í leik- og mentanarhúsum og í allari býar-endurnýgging, og hugurin og frælsið at skapa og virka innan leik og list skal eisini stimbrast.

Samgongan hevur eisini sett sær fyri at loysa avbjóðingina við parkering í býnum, - at útbyggja verandi ítróttarumstøður til at kommunan kann hýsa enn fleiri altjóða ítróttarkappingum.

Og staðbundnu nevndirnar verða uppraðfestar, soleiðis at tær taka virknan lut í býráðsarbeiðinum.

Borgarstjórin ikki í tingið

Síðst í samgonguskjalinum verður staðfest, at borgarstjórin í Tórshavnar kommunu situr ikki á løgtingi. 
 
Allir borgarar verða viðgjørdir eins, gjøgnumskygni og opinleika verður, fíggjarpolitikkurin verður burðardyggur og skynsamur.

Lunnar verða eisini lagdir undir langtíðarí íløguætlanir, sum kunnu røkka tvørtur um valskeið, stendur millum annað í samgonguskjalinum.

Er kopiera
Nýggjastu sendingar í ÚV
Hósdag 23. mars
Góðan morgun Føroyar 23.03.2023
154542
Hósdag 23. mars
Morgunlestur hósdagur 23. mars 2023
154363
Mikudag 22. mars
Ljóarin 22. mars 2023
154516
Nýggjastu sendingar í SV
Mikudag 22. mars
Úr savninum: Flúgviplássið
154470
Týsdag 21. mars
Vísindavøka 2022
154454
Sunnudag 19. mars
Møti úr Filadelfia í Gøtu
154340
Sunnudag 19. mars
Andakt við Árna Joensen
154308
Fríggjadag 17. mars
Veðrið
154274