Ávara um russisk telduálop

Ávara um russisk telduálop
Álopini skulu raka tey, sum veita Ukraina stuðul, og tøknifyritøkur í vesturheiminum
Sameind lond ávara um telduálop, sum verður stýrt úr Russlandi. (Savnsmynd)
 
21.05.2025 - 15:40

Fleiri sameind lond, m.a. USA, Bretland og Danmark, hava í dag sent út felags ávaring um, at stórur vandi er fyri russiskum telduálopum. 

Talan er um russiskt statsstuðlað netátak, siga londini, og álopini skulu raka tey, sum veita Ukraina stuðul, og logistikk- og tøknifyritøkur í vesturheiminum.

Tað sigur bretski nettrygdarstovnurin NCSC, sambært tíðindastovuni Reuters.

- Óreina átakið hjá fregnartænastuni hjá russiska herinum er álvarslig hóttan móti felagsskapunum, sum hetta kann raka, m.a. tey, sum eru vit til at veita Ukraina hjálp, sigur Paul Chichester, stjóri á rakstrardeildini í NCSC, sambært Reuters.

Sambært NCSC, skal russiska netátakið eisini raka verju, KT-tænastur, sjóvinnu, flogvøllir, havnir og flogferðslueftirlit í fleiri limalondum í Nato.

Londini heita á felagsskapir um alt fyri eitt at seta herd trygdartiltøk í verk.

- Vit heita inniliga á øll um at kunna seg um hóttanina og ráðini, sum eru partur av hesi fráboðan, soleiðis at tit kunnu verja netverkið hjá tykkum, sigur Chichester.

Er kopiera
Nýggjastu sendingar í ÚV
Leygardag 12. juli
Morgunlestur leygardagur 12.juli 2025
194084
Fríggjadag 11. juli
Praktikanturin: Erika Hentze Niclasen
194337
Fríggjadag 11. juli
Radio Stjernekilde II - part 5
194323
Fríggjadag 11. juli
RagnarRokk: Oskar Holldorff um Shards
194118
Nýggjastu sendingar í SV