- Tíðindi, mentan og ítróttur
Vindferðin upp í 78,7 m/s
Vindferðin upp í 78,7 m/s
Mesta vindferðin í jólaódnini varð mátað á Norðradalsskarði fyrr í morgun. Tað stóð eisini nógv á vindmátarunum aðrastaðni í landinum á jólum
Mesti vindurin í jólaódnini varð mátaður á Norðradalsskarði beint eftir klokkan 6 í morgun. Eisini á Oyndarfjarðarvegnum, har savnsmyndin er tikin, hevur nógvur vindur verið
26.12.2016 - 09:02
78,7 metrar um sekundið.
Tað skrásetti vindmátarin hjá Landsverki á Norðradalsskarði klokkan 6:08 í morgun, sambært veðurdátum, stovnurin hevur á heimasíðuni.
Nógvur vindur er eisini skrásettur aðrastaðni í landinum. Við Laksá í Oyndarfirði varð vindferðin í gjárkvøldið klokkan 21:27 72,0 m/s í hvirlunum.
Miðalvindferðin 52,4 m/s
Mesti miðalvindurin í landinum síðstu dagarnar er eisini mátaður á veðurstøðini hjá Landsverki á Norðradalsskarði, vísa tølini.
Klokkan 15:17 jóladag var miðalvindurin á Norðradalsskarði 52,4 m/s. Miðalvindurin er áhaldandi vindur mátaður í 10 minuttir.
Síðsta samdøgrið eru hvirlur strangari enn 50 m/s mátaðar á Viðareiðisvegnum, Gjáarskarði, í Skopun og Porkeri sambært hagtølunum.
Er kopiera
Nýggjastu sendingar í ÚV
Nýggjastu sendingar í SV
