Bjargaðu neyðstøddum monnum av báti

Nótaskipið, Finnur Fríði, bjargaði í gjárkvøldið tveimum monnum. Tað var um áttatíðina í gjárkvøldið, at íslendska sjóverjan fekk neyðarkall frá einum báti, sum var staddur uttarlaga í Skagafirði. 

Báturin er farin at leka og at teir báðir menninir, sum vóru umborð á bátinum, vórðu noyddir at leypa í havi, tí báturin stóð ikki til at bjarga. 

Tyrla eisini send út

Íslendska sjóverjan heitti á skip har á leiðini um at koma til hjálpar. Ein tyrla varð eisini send út á leiðina og bjargingarskip frá Skatastrond og Siglufirði settu kós móti bátinum. Eisini var eitt Herkulesflogfar hjá amerikanska herinum sent út at leita eftir monnunum.

Stutt fyri klokkan hálvgum níggju kom signal frá neyðsendarar á bátinum umvegis fylgisvein og stutt eftir sást neyðbluss frá sjómonnunum báðum. 

Klokkan 21:18 kom føroyska nótaskipið, Finnur Fríði, fram til menninar og tók teir umborð. Og tyrlan kom síðani og tók teir upp og fleyg teir inn til lands.