7.500 tons landað í Íslandi

Tað upplýsir íslendska Fiskistovan, sum eisini veit at siga, at fýra føroyskir bátar fiskaðu botnfisk í íslendskum sjógvi í februar.

Teir fingu 149 tons av toski og 109 tons av hýsu og avreiddu átta ferðir, seks ferðir í Íslandi og tvær ferðir í Føroyum.

Skørin fekk 101,2 tons í februar og Sandshavið fekk 95,2 tons. Føroysku línuskipini vóru í íslendskum sjógvi ein mánað fyrr í ár enn í fjør.