Risabót fyri at villeiða ES

ES hevur givið Facebook 825 milliónir krónur í bót fyri at hava latið ES skeivar ella villleiðandi upplýsingar, tá fyritøkan keypti kjatt- og boðtænastuna, WhatsApp.

Avgerðin er eitt greitt tekin til fyritøkur um, at tæreiga at halda allar reglur um samanlegging, eisini skylduna um at geva rættar upplýsingar, sigur Margrethe Vestager, ES-nevndarlimur í kappingarmálum.

Bótin skal ræða aðrar fyritøkur

ES-nevndin sigur, at tá Facebook keypti WhatsApp í 2014, legði fyritøkan dent á, at hon var ikki før fyri at binda saman brúkaraprofilar á teimum báðum sosialu miðlunum.

Tá WhatsApp í fjør kunngjørdi dagføringar, kom undan kavi, at telefonnummur á WhatsApp eisini fóru at verða knýtt at Facebook. Tí fekk ES-nevndin illgruna um, at Facebook longu visti, at tað kundi bera til, tá WhatsApp varð keypt.

Bótin er hóskandi, og hon ræðir aðrar fyritøkur frá at gera tað sama, sum Facebook hevur gjørt, sigur Margrethe Vestager, ES-nevndarlimur í kappingarmálum.