Gull og bronsa í liðkappingini

Hesir oyggjaleikirnir hava verið serstakir fyri føroysku bogaskjúttarnar, tí úrslitini hava verið framúr góð.

Í dag eydnaðist tað aftur at vinna heiðursmerkir, tá liðkappingini í bæði recurve og compound var á skránni.

Føroyar við Anju Eydnudóttir, Nikkel Petersen og Albert Dam vunnu gull í compound. Tey vunnu á Guernsey í finaluni.

Í recurve møttu Føroyar Álandi í bronsufinaluni. Tað eydnaðist Absalon Hansen, Jastrid Rein Jensen og Oddmar Nielsen at vinna.

Sostatt bleiv tað til bæði gull og bronsu til bogaskjúttarnar í dag.

Hetta var síðsta kappingin hjá bogaskjúttunum, og sigast má, at tað hevur eydnast sera væl. 

Føroyar vunnu sjey gull-, eitt silvur- og seks bronsuheiðursmerkir í bogaskjóting.