Rannvá tapti hálvfinaluna

Tað verður onki finalupláss til Rannvá Djurhuus Carlsson í einmansleiki, tí hon tapti 2-1 fyri Grønlandi í hálvfinaluni.

Rannvá legði hart út í fyrsta setti og kom framum, men tað gekk nokk so javnt á kortini. Og tá komið var í helvt, var grønlendska Sára Jacobsen frammanfyri 11-9.

Men steðgurin gjørdi Rannvá væl, og hon kom sterkt aftur. Hon fekk sítt álopsspæl at koyra væl og vann fyrsta settið 21-15.

Sára Jacobsen.jpg

Mynd: Lív Mortensen

Grønland svarar aftur

Annað sett byrjaði munandi betur fyri Sáru Jacobsen enn fyri okkara Rannvá. Tí eitt skifti var Sára á odda 9-3, og tá steðgurin kom, var støðan 11-6.

Og í hesum settinum fekk Rannvá ikki sítt spæl at koyra, og tað endað við, at Sára Jacobsen vann settið 21-14. Og so var 1-1 í settum og neyðugt við triðja og avgerandi settinum.

Orkan gekk undan

Triðja og avgerandi settið vippaði báðar vegir heilt frá byrjan av. Tað gekk øgiliga javnt, og tá steðgurin kom, var 11-10 til Grønland. Fjeppararnir hjá báðum spælarunum koyrdu á sínar spælarar fyri at fáa tær at vinna. 

Men Sára Jacobsen byrjaði betur, og hon kom upp á 17-10, áðrenn Rannvá fekk nakað stig. Rannvá stríddist, men tað gekk ikki. Hon tapti avgerandi settið 21-14, og harvið finaluplássið.

- Orkan var uppi, segði Rannvá Djurhuus Carlsson beint aftan á dystin.