Útlendingar omandotnir í Saksun

Ein størri bjargingarroynd hevur verið í Saksun í dag. 

Sambært vaktleiðaranum á politistøðini, er talan um tvey útlendsk ferðafólk, sum eru dottin oman  nærhendis Saksun 

Tyrla og sjúkrabilar vóru tilkallað og hava flutt báðar menninar á landssjúkrahúsið. 

Sambært vaktleiðaranum er støðan álvarslig, men hann kann enn einki siga um heilsustøðuna hjá teimum omandotnu. 

Sum skilst vóru tey partur av størri ferðaliði í fjøllunum við Saksun.