Leyslatin eftir grundlógaravhoyring

Maðurin varð handtikin á flogvøllinum í gjár, eftir at hundurin hjá tollvaldinum gjørdi vart við, at maðurin hevði rúsevni uppi á sær. 

Løgreglan fann eina hasj-sleikisneis, men illgruni var um, at maðurin hevði meira uppi á sær, møguliga innvortis.

SÍ EISINI Grundlógaravhoyring um rúsevnasmugling

Men maðurin vildi ikki við í skannaran á Landssjúrkahúsinum. Tí var neyðugt at fara í rættin fyri at leingja handtøkuna, til maðurin hevði gjørt burtur av sær. 

Men í rættinum kom fram, at maðurin kortini vildi samstarva. Farið var tí í skannaran, sum vísti, at har var einki fjalt innvortis, sigur Hildur Hentze, dagligur leiðari á kriminaldeildini.