Suðuroyar sjúkrahús danska góðkenning

Suðuroyar sjúkrahús hevur nú fingið góðkenning frá danska stovninum IKAS. Í februar í ár vóru fólk frá IKAS í Føroyum.

Tey kannaðu, um føroyska sjúkrahúsverkið lýkur dygdarkrøvini, sum kallast Den Danske Kvalitetsmodel og verður sett sjúkrahúsunum í ríkinum. 

Tá fingu Landssjúkrahúsið og Suðuroyar sjúkrahús góðkenning við viðmerkingum. Sjúkrahúsini fingu so møguleikan at betra nøkur viðurskifti næsta hálva árið fyri verða akkrediterað, sum hendan góðkenningin eitur. 

Nú hevur Suðuroyar sjúkrahús fingið góðkenningina, sum er galdandi til 19. apríl í 2020. IKAS stendur fyri Institut for kvalitet og akkreditering i sundhedsvæsent.