Tveir fyribilsstjórar setast

Tveir fyribils stjórar verða settir fyri Súna Schwartz Jacobsen, sum gavst í Betri í gjár. Tað sigur Birgir Nielsen, nevndarformaður í P/f Betri, við útvarpið.

Ein fyribils stjóri verður settur í Betri banka og ein í P/f Betri, sum er Betri samtakið. Birgir Nielsen sigur, at nøvnini verða kunngjørd seinni í dag.

Tað var fyrrapartin í gjár, at Betri-samtakið boðaði frá, at Súni Schwartz Jacobsen, forstjóri, hevur sagt seg úr starvinum. Enn er óvist, hvor orsøkin til uppsøgnina er.