83 útlendingar fingu viðgerð í fjør

83 útlendingar fingu viðgerð í fjør
Í 2016 vóru ógoldnar rokningar fyri knappar 200.000 krónur fyri at viðgera útlendingar á Landssjúkrahúsinum
 
27.07.2017 - 08:01

83 útlendingar fingu viðgerð á Landssjúkrahúsinum í fjør. Viðgerðirnar kostaðu tilsamans umleið eina millión krónur.

Tað vísa tøl, sum Kringvarpið hevur fingið frá Landssjúkrahúsinum.

Í 2015 og 2014 vórðu ávikavist 93 og 91 útlendingar viðgjørdir,

Tá Landssjúkrahúsið ger upp fyri útlendingar, er tað fyri allar útlendingar undir einum, og munur verður ikki gjørdur á, um tað snýr seg um ferðafólk ella útlendingar, sum eitt nú arbeiða í Føroyum.

Ógoldnar rokningar

Í fjør vóru ógoldnar rokningar fyri knappar 200.000 krónur fyri at viðgera útlendingar.

Ein partur av frágreiðingini fyri hesar útistandandi upphæddir er, at tað kann ganga millum eitt og trý ár, áðrenn rokningin verður goldin. Hetta er serliga galdandi, tá talan er um rokningar, sum skulu rindast av útlendskum tryggingarfeløgum. 

Landssjúkrahúsið hevur ikki verið havt fyri neyðini at  avskriva nakran útlendskan sjúkling, sigur landssjúkrahúsið í teldubrævið til Kringvarpið.

Herfyri kom fram, at stóri vøksturin í ferðafólkatalinum í Íslandi eisini hevði við sær, at fleiri útlendingar fingu viðgerð á Land­spit­al­anum, størsta sjúkrahúsinum í Reykjavík.

Men vaksandi ferðafólkatalið í Føroyum tykist ikki síggjast aftur í viðgerðunum av útlendinum á Landssjúkrahúsinum á sama hátt.
 

Er kopiera
Nýggjastu sendingar í ÚV
Sunnudag 26. mai
Gudstænasta úr Glyvra kirkju
175599
Leygardag 25. mai
Jambalaja - 250524
175579
Leygardag 25. mai
Upp á tá
175573
Leygardag 25. mai
Vikan 25. mai 2024
175572
Nýggjastu sendingar í SV
Leygardag 25. mai
Veðrið - teknmálstulkað
175571
Leygardag 25. mai
Dagur og vika - teknmálstulkað
175565
Fríggjadag 24. mai
Veðrið
175555