Ferðaleiðarar á skúlabonk í Vestmanna í vetur

Nú ber til at søkja um upptøku á ferðaleiðaraskeiðnum í fiskvinnuskúlanum í Vestmanna. 

Tí boðar Miðnám frá í dag.

Skeiðið byrjar 6. september og endar í mai 2018.

200 tímar

Skeiðið er 200 undirvísingartímar, har tveir triðingar eru ástøðilig undirvísing.

Seinasti triðingurin er er skipaður sum vistarskeið, vitjanir og túrar.

Jákup Andreasen, skúlastjóri í Vestmanna,  sigur í fráboðanini, at tey hava merkt stóran áhuga fyri skeiðnum. 

Umsóknarfreistin er mánadagin 28. august á middegi.