Fingu bara ein fimting til royndir við sild

Stórur áhugi er hjá vinnuni at gera royndir við norðhavssild í ár.

Fiskimálaráðið fekk 16 umsóknir um 29.630 tons.

Tíggju umsóknir fingu játtandi svar, men bara 6.000 tons at býta.

Fiskimálaráðið viðgjørdi umsóknirnar saman við Havstovuni.

Í viðgerðini er serligur dentur lagdur á menningarvirðið og møguligt nýskapanarvirði í royndunum umframt at norðhavssildin verður virðisøkt.