Leyslatin aftur

Maðurin, sum løgreglan handtók í nátt fyri at hava stungið ein annan mann, er avhoyrdur og leyslatin aftur. Tað merkir, at heldur einki grundlógarhoyr verður.

Klokkan tvey í nátt fekk løgreglan fráboðan um harðskap. Tað vísti seg, at talan var um ein mann, sum var stungin í búkin. Maðurin varð fluttur á Landssjúkrahúsið, meðan ein annar maður var handtikin og síðani skuldsettur fyri grovan harðskap.

Løgreglan hevur í dag avhoyrt mannin, sum nú er leyslatin. Hann játtar seg sekan 

Innlagdur
Maðurin, sum er stungin, er framvegis á landssjúkrahúsinum. Av løgreglustøðini verður sagt, at støða hansara er stabil og hann er ikki í lívsvanda.