Tvær føroyskar bøkur og ein bólkur við í kapping

Føroyingar eru við í kappingini um tríggjar heiðurslønir, tá Norðurlandaráðið í dag fer at lata sínar fimm heiðurslønir.

Yrkingasavnið Sunnudagsland, sum Sissal Kampmann skrivaði, er innstillað til bókmentaheiðurslønina.

Bólkurin Yggdrasil er innstillaður til tónlistarheiðurslønina, og bókin Hon, sum róði eftir ælaboganum eftir Rakel Helmsdal er innstillað til barna- og ungdómsbókmentaheiðurslønina.

Eingin úr Føroyum er við í kappingini um heiðursløninirnar fyri film og umhvørvi.

Heiðurslønirnar verða handaðar í Finlandiahøllini í Helsinki.

Heiðurslønirnar eru 350.000 kr.