Fimm gullheiðursmerkir i DM

DM á stuttgeil í svimjing er liðugt og tað bleiv til heili sjey heiðursmerkir til føroysku svimjararnar.

Óli Mortensen, sum setti nýtt met, tá hann vann 15 gullheiðursmerkir í føroyameistarakappingini, helt fram har hann slepti.

Hann vann gull í bæði 400 og 800 metrar frí. í 800 frí setti hann nýtt persónligt met við tíðini 7.53.68

Magnus Jákupsson gjørdi eisin um seg á stuttu teinunum, har tað bleiv til gull í bæði 50 og 100 metrar rygg.

Frans Johannesen vann eisini gull, tá hann kom fyrstur á mál í 400 metrar blandað.

Magnus Jákupsson og Frans Johannesen kláraðu á hesi stevnuni donsku kravtíðirnar til EM á stuttgeil. Magnus Jákupsson í 100 m blandað og Frans Johannesen í 400 m. blandað, har teir umboða Danmark.

Óli Mortensen og Alvi Hjelm skulu umboða Føroyar.