Útflutningurin vaksin tíggju prosent

Føroyski útflutningurin var tíggju prosent størri til 1.oktober í ár enn í fjør, upplýsir Hagstovan.  

Útflutt er fyri 6,2 mia. kr.  til 1.oktober í ár.

Útflutningurin av fiski vaks 13 prosent í krónum, hóast nøgdin minkaði níggju prosent.

Fiskaútflutningurin hjá Føroyum er tvífalt størri nú enn fyri sjey árum síðani, í 2010.

Meira fiskur 

Laksaútflutningurin var næstan tríggjar milliardir krónur tríggjar teir fyrstu ársfjórðingarnar í ár. Tað eru 14 prosent  meira enn í fjør. 

Stórur vøkstur er eisini í uppsjóvarfiskinum. Útflutt er meira av sild og makreli. 

Uppsjóvarfiskurin er vaksin 17 prosent í virði í útflutningstølunum, hóast nøgdin er átta prosent minni.      

Botnfiskurin, toskur, hýsa og upsi, gevur eisini meira í ár.