Grønland venur í Føroyum

Teir skulu spæla tríggjar dystir her, móti Neistanum, H71 og VÍF, skrivar Sermitsiaq.

Ingi Olsen úr Vestmanna er venjari hjá grønlendska landsliðinum.

Hetta er fyrsta venjingarlegan hjá honum, síðani hann gjørdist venjari seint í november í fjør.  

Ingi Olsen kennir væl grønlendska liðið, tí hann hevur verið hjálparvenjari hjá tí síðani 2014.

Grønlendska landsliðið skal vera við í stóru PANAM kappingini í Grønlandi í juni. Har verður spælt um trý pláss í heimsmeistarakappingini.