Nógv ferðast við Strandferðsluni

Alsamt fleir ferðast við skipunum hjá Strandferðsluni. At kalla allar sjóleiðir hjá Strandferðsluni høvdu vøkstur í ferðafólkatalinum.

250.305 ferðafólk ferðaðust við Smyrli í fjør, tað eru meira enn áttatúsund fleiri enn í 2016.

Vøkstur var eisini á Nólsoyðarleiðini, har góð hundraðtúsund fólk ferðaðust í fjør, í mun til góð 94.000 árið fyri.

Við Skúvoyarleiðini ferðaðust umleið 5.300 ferðafólk, í mun til knapp 3700 ferðafólk í 2016.

Eisini fleiri aðrar leiðir høvdu vøkstur, men hinvegin minkaði ferðafólkatalið um Skopunarfjørð nakað.

Tølini síggjast á heimasíðuni hjá Strandferðsluni.