Ov lítil undirtøka til Ungdómsting

Ov lítil undirtøka til Ungdómsting
Ungdómstingið er útsett, tí bara tríggir av teimum 16 skúlunum í landinum, sum hava framhaldsdeild, teknaðu seg til
 
07.02.2018 - 14:38

Ungdómstingið, sum skuldi verið hesa vikuna, er útsett. Hetta tí at bara tríggir av teimum 16 skúlunum í landinum, sum hava framhaldsdeild, teknaðu seg til ungdómstingið.

Útvarpið hevur tosað við fleiri av skúlunum, og hjá teimum tykist støðan vera, at næmingar í 9. flokkunum hava úr at gera. Teir skulu bæði í starvsvenjing og til próvtøku, og tí er ikki nógv tíð til annað.

Ein annar trupulleiki er, at skúlarnir gera ætlan fyri alt skúlaárið, og tí er torført at broyta ætlanina.

Seinast í september í fjør fingu skúlarnir boð um at tekna seg til ungdómstingið, og seint í november fingu teir áminning um ungdómstingið.

Tá var eftir øllum at døma ov seint at broyta ársætlanina, og tí var undirtøkan so lítil.

Næmingar harmast

Ein av skúlunum, sum meldaði til, var Hoyvíkar skúli, og har harmast tey um, at ungdómstingið varð útsett, sigur Hans Jón Thomsen, skúlastjóri.

- Vit halda, at Ungdómstingið er ein góður møguleiki hjá næmingunum at koma út og viðgera samfelagsviðurskifti, sigur hann.

- Næmingarnar hava í undirvísingini arbeitt við uppskotum at leggja fyri tingið, sigur skúlastjórin í Hoyvíkar Skúla, sum harmast um, at undirtøkan er so lítil. 

Nú er ætlanin, at ungdómstingið skal vera í mai.


 

 

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592