Eingin almenn jarðarferð

Heindrikur prinsur fær onga almenna jarðarferð.

Prinsurin vildi sjálvur, at ikki so nógv varð gjørt burtur úr jarðarferðini, og tí verða tað bara familjan og nøkur fá aftrat, sum fara at fylgja, skriva danskir miðlar.

Sostatt verður ikki talan um ein vanliga almenna jarðarferð.

Fyrrverandi biskupurin í Keypmannahavn, Erik Norman Svendsen, fer at tala við jarðarferðina.

Heindrikur prinsur vildi eisini, at líkið av sær skuldi brennast.

Helvtin av øskuni verður stroydd í havið, og helvtin verður latin í eina urnu, sum skal setast niður í garðin á Fredensborg slotti.

Heindrikur prinsur fer til gravar úr slotskirkjuni á Christiansborg.