Ætlaðu sær við Norrønu

Fýra fólk úr Marokko vórðu í handtikin í Hirtshals í nátt, tá tey royndu at koma inn á havnaøkið har Smyril Line heldur til í  Hirtshals. Tað skrivar blaðið Nordjyske.

Starsvfólk hjá Smyril Line sóu fólkini, og boðaðu donsku løgregluni frá, sum kom á staðið og handtók fólkini.

Sambært vaktarleiðaranum hjá Nordjyllands Politi, so ætlaðu fólkini sær til Ísland, og so hagani til Kanada ella USA.

Fólkini vóru handtikin um hálvgum trý tíðina í nátt, og alt gekk friðarliga fyri seg, sigur vaktarleiðarin við Nordjyske.

Fólkini verða avhoyrd í dag, og verða skuldsett fyri at fara inn á eitt øki ólógliga, og vera so latin leys, sambært Nordjyske.