Tók 11 ár at fáa pass

Tók 11 ár at fáa pass
Igor og Miroslava Klein hava bíðað 11 ár eftir at fáa pass, tí tey eru fødd í Ukraina og fluttu til Føroya uttan egin pass miðskeiðis í hálvfemsunum
Systkini Igor og Miroslava D. Klein úr Klaksvík við sínum passum. Tað gráa er fremmandapassið, sum var í gildi í seks mánaðir, meðan hitt er eyðkenda reyða ES-passið, sum tey júst hava fingið.
Mynd: Solby Christiansdóttir  
 
23.03.2018 - 10:05

Tá systkini, Igor og Miroslava Klein, komu til Føroya miðskeiðis í hálvfemsunum, stóðu tey í passinum hjá mammuni, sum var vanligt tá.

Men tá tey skuldu søkja um at fáa síni egnu pass, stóð á.

Tey hava nú fingið egin pass, men tað hevur tikið teimum 11 ár at fáa pass sum føroyingar.

1201056

 

Tað var í 1996, at Hanna Klein úr Ukraina kom til Føroya at búgva. Hon hevði pass, og bæði børnini stóðu í hennara passi. 

Systkini bæði, Igor og Miroslava Klein, hava búð í Føroyum í meira enn 20 ár, men tað er bert ein lítil mánaður síðani, at tey fingu egin pass.

Tey hava sostatt bíðað í 11 ár eftir at fáa sínar umsóknir um pass gingnar á møti og harvið passini útflýggjað.

Seinkað fyribilspass

Í september í fjør fingu tey útflýggjað fyribilspass, sum var í gildi í seks mánaðir.

Hetta passið fingu tey lovað at fáa í august í fjør, og tískil keyptu tey sær eina ferð til Portugal í fjúrtan dagar í august.

Men fyribilspassini komu ikki fram til tíðina, og tey bæði kundu velja ímillum at taka kjansin og fara ella at avlýsa ferðina.

Tey valdu tað fyrra, og tað var um at enda galið í Lissabon, tá tey skuldu heimaftur. 

Gráa passið á myndini er fyribilspassið, sum kom ein mánað ov seint í fjør.

Skuldu sendast heimaftur

Í 1996 komu Igor og mamma hansara, Hanna, til Føroya at búgva hjá mostrini, sum var gift til Sandavágs. Men tvey ár seinni boðaðu myndugleikarnir frá, at Hanna og Igor skuldu sendast aftur til Ukraina. 

Í september 1998 vóru innsløg um Igor og mammu hansara, Honnu, Degi&viku. 

Igor_24091998

 

Igor_25091998

Men tað bleiv ikki Føroya Landsstýri ella Útlendingastovan í Danmark, sum funnu eina loysn upp á støðuna hjá Honnu og Igor Dorochenko.

Vónleysa støðan fekk eina óvæntaða loysn tríggjar vikur seinni, tí Kamar Klein, sáli, úr Klaksvík, hoyrdi um smádrongin og mammu hansara úr Ukraina.

Hann tók tey til sín, og harvið sluppu tey undan at verða send heimaftur til Ukrainu til fátækradømi og neyð. 

Igor_16101998

Stutta tíð eftir hetta kom eisini Miroslava til Føroya og Klaksvíkar at búgva hjá mammu síni, beiggja sínum og pápanum, Kamar Klein. 

Í útvarpssendingini, Vegamótið, í november 2014, greiddi Igor Dorochenko Klein frá allari søguni, og tann sendingin kann hoyrast her.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858