Nýggjur kirkjugarður í Sandavági

Nýggjur kirkjugarður skal gerast úti á Gjógv í Sandavági. Tað hevur Vága býráð samtykt, sæst á heimasíðuni hjá Vága kommunu.

Eftir at hava arbeitt við málinum í nógv ár, hevur býráðið nú tikið endaliga avgerð um staðsetingina av kirkjugarðinum.

Nógv uppskot hava verið umrødd hesi árini. Seinastu tíðina eru tað tvey sera snotilig uppskot, sum hava verið umrødd. Eitt við kirkjuna og eitt úti á Gjógv, harav tað seinna verður valt, skrivar Vága kommuna á heimasíðuni.