Royndu við tveimum trolum

Stutt fyri midnátt í gjár, kom Brimil á Havnina við skotska trolaranum Endeavour, skrivar jn.fo.

Vakthavandi hjá Vørn sigur við kringvarpið í dag, at fólk frá Brimli fór umborð á skotska trolaran á Uttara banka. 

Har vísti tað seg, at roynt var við tveimum trolum og tað er ikki loyvt sambært reglunum um fiskiskap hjá trolarum úr ES londum í føroyskum sjógvi.

Tí var Endeavour biðin um at koma við á Havnina. Málið er nú latið løgregluni.