Allir leigarar javnsettir

Við aðru viðgerð varð leigulógin einmælt broytt eftir uppskoti frá teimum í Trivnaðarnevndini.

Nú eru øll, sum leiga, javnsett sambært broyttu leigulógin, sum kemur í gildi 1. august.

Og Bústaðir hava mist rættin at koyra fólk út 14 dagar, áðrenn leigumálið endar.

Uppsagnartíðin er nú í minsta lagi ein mánaður, sama um leigað verður frá tí almenna, sum oftast Bústøðum, ella frá vinnuligum útleigara.

Í lógaruppskotinum, sum kom úr Almannamálaráðnum, var uppsagnartíðin hjá teimum, sum leiga frá tí almenna, broytt til tveir mánaðir.

Vinnan fanst at, at hon skuldi fáa verri sømdir í leigulógini. Hesum lurtaði Løgtingið so eftir.