Ternan aftur seinkað

Umvælingararbeiðið umborð á Ternuni er seinkað nakrar dagar afturat, og Ternan fer ikki í sigling aftur fyrrenn 11. mai.

Tað sæst á heimasíðuni hjá Strandferðsluni.

Ternarn fór á beding 3. apríl, og ætlanin var, at Ternan skuldi fara aftur í sigling 18. apríl, men nú er greitt, at Ternan ikki verður klár fyrr enn 11. mai, sæst á heimasíðuni hjá Strandferðsluni.

Óvæntaðir trupulleikar hava stungið seg upp við at umvæla hekkutangan og annað, og tí er arbeiðið seinkað.

Sostatt fer Sildberin at halda fram at røkja Nólsoyarleiðina og Súlan heldur fram á Skúvoyarleiðini. Sam fer at sigla farmatúrar týsdagar og hósdagar.