India: Settu eld á gentu sum hevnd

BBC skrivar, at Dhanu Bhuiyan og vinmenn hansara eru skuldsettir fyri at hava sett eld á 16 ára gomlu gentuna, - hendingin fór fram í Jhark-hand fríggjadagin.

Eldur varð settur á gentuna sum hevnd fyri, at foreldur hennara høvdu meldað hópneyðtøkuna til elstaráðið í bygdini, sigur løgreglan.

Elstaráðið avgjørdi, at revsingin skuldi verða, at tveir av teimum skuldsettu skuldu gera 100 arm-kreppingar og rinda slakar 5.000 krónur í bót.

Menninir vóru so ónøgdir við revsingina, at tey bukaðu foreldrini hjá gentuni og settu eld á gentuna, sigur Ashok Ram, leiðari á lokalu politistøðini í Jarkhand, við AFP-tíðindastovuna.

Løgreglan sigur, at hon hevur handtikið 15 av 18 persónum, sum hon vil kanna í sambandi við drápið.

Dhanu Bhuiyan varð handtikin heima hjá einum familjulimi, har hann fjaldi seg, skrivar BBC.