Menningarætlan verður liðug fyri summarfrítíðini

Menningarætlan verður liðug fyri summarfrítíðini
Næstan annað hvørt starv í Suðuroynni er alment
Vágs kommuna er tann næst størsta í Suðuroynni.
 
07.05.2018 - 13:10

Kommunurnar í Suðuroynni eru ikki lidnar við menningarætlanina fyri oynna, sum skal leggjast fyri landsstýrið.

Men hon verður liðug seinni í hesum mánaðinum ella fyrrapartin í juni, sigur Dennis Holm, borgarstjóri í Vági. 

Trupulleikin hjá oynni er fólkatalið, sum støðugt minkar. Í fjør komu bara 40 børn afturat í oynni.

Hetta er tað minsta í nógv áratíggju. 

Allar sjey kommunurnar í Suðuroynni eru við í arbeiðinum at gera eina ætlan, sum skal bjarga oynni.

Tá ætlanin er liðug, skal hon leggjast fyri landsstýrið.

Nýggj útbúgving

Dennis Holm sigur, at avgerðin hjá landsstýrinum um, at útbúgvingin sum hjálparfólk á dagsstovnum skal vera í Suðuroynni, er eitt stig tann rætta vegin.  

Sambært nýggjum tølum hjá Hagstovuni, hava 42 prosent av teimum, sum arbeiða og búgva í Suðuroynni, alment starv. Tá eru almennu partafeløgini tald við.

Tað eru fleiri enn aðrastaðni í Føroyum, tá Suðurstreymoyar sýsla og Vága sýsla eru undantiknar. Har eru nøkur fá prosentstig fleiri, sum hava alment starv.

Tøl vísa eisini, at 179 fólk pendla úr Suðuroynni, tað er, at tey ferðast dagliga aftur og fram til arbeiðis ella í skúla.

Manntalið í 2011 er grundarlagið undir hesum tølunum hjá Hagstovuni.   

 

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592