Eingin bíðilisti til íbúðirnar á Frúutrøð

Tað sigur Tórshavnar kommuna á heimasíðuni.

Fleiri borgarar hava víst íbúðarbyggingini á Frúutrøð ans, og hava vent sær til kommununa fyri at skriva seg upp til íbúð har.

Kommunan fer at selja privatum samtaki økið til íbúðarbyggingina, sum fer at byggja, selja og leiga íbúðirnar út.

Fyrst í 2019 verður væntandi greitt, hvør vinnur útbjóðingina upp á verkætlanina um íbúðarbyggingina á Frúutrøð, sigur Tórshavnar kommuna.