Ongantíð áður framt kynsligan ágang

24.05.2018 - 12:08
Aktuelt
Ongantíð áður framt kynsligan ágang
Kvinnan, sum varð avhoyrd í rættinum í Lyngby í dag, segði, at hon føldi seg noydda at lata føroyinginum okkurt afturfyri at varðveita sambandið
Rætturin í Lyngby
 

Kvinnan, sum er dømd fyri at hava framt kynslig brotsverk móti sínum egna soni, sigur, at hon kenda seg noydda at lata 42 ára gamla ákærda føroyinginum okkurt afturfyri, fyri at varðveita sambandið við hann.

Kvinnan, sum varð avhoyrd í rættinum í Lyngby í dag, segði, at hon hevur ongantíð framt kynsligan ágang móti børnum fyrr. 

- Hon greiddi frá, at tað var skjótt eftir, at tey møttust á kjattinum á LinkedIn, at prátið byrjaði at snúgva seg um sex, og hon gjørdist rættiliga skjótt forelskað í føroyinginum, sigur Kaj Joensen, sum fylgir málinum í rættinum í Lyngby.

Kvinnan vardi seg gjøgnumgangandi við, at hon var rúnabundin at manninum og føldi at hon mátta geva okkurt afturfyri at varðveita sambandið við hann. 

- Hon leggur meira ella minni upp til, at hon kennir seg manipuleraða av føroyska manninum, sigur Kaj Joensen. 

Kvinnan vardi seg eisini við, at hon ongantíð áður hevur gjørt seg inn á børn, men sinnisstøða hennara var vánaliga, og tað gekk illa í hjúnalagnum. 

Ákærin vildi hava fram, at føroyski maðurin hevur manipulerað kvinnuna til at fremja brotsverkini. Sambært Kaj Joensen, so merktist tað eisini á kvinnuni, at hon var illa fyri, og hon kendi seg ikki væl í rættarsalinum.

Um 11 tíðina var steðgur í rættarfundinum, men tá hann verður tikin uppaftur, verður hildið fram at gjøgnumganga tær meira enn 40 ákærurnar móti 42 ára gamla føroyinginum.

Seinasti rættarfundur í hesum málinum verður mánadagin, og tá fellur dómur væntandi eisini.

Er kopiera
Nýggjastu sendingar í ÚV
Hósdag 26. mai
Skriftin á vegginum
140070
Mikudag 25. mai
Kvørnin: Trý føroysk stakløg
140145
Mikudag 25. mai
LEITISSTEIN 24.04.2022
140144
Mikudag 25. mai
Nón 25. mai 2022
140137
Mikudag 25. mai
Breddin - Fangi hjá Islamskum Stati
140117
Nýggjastu sendingar í SV
Mánadag 23. mai
3-2
140037
Sunnudag 22. mai
Andaktin
139968
Sunnudag 22. mai
Guðstænasta í Elduvíkar kirkju
139969
Hósdag 19. mai
Sært tú meg 2:3
139885
Mánadag 16. mai
3-2
139731