700 milliónir í bót fyri hvítvasking

Størsti bankin í Avstralia, The Commonwelth Bank, hevur góðtikið at gjalda 700 milliónir avstralskar dollarar í bót, til tess at sleppa undan einum máli um brot um hvítvasking og at fíggja yvirgang.

Tað skrivar franska tíðindastovan, AFP.

Hetta er størsta semja, sum nakrantíð er gjørd millum myndugleikar og eina fyritøku í Avstralia. Upphæddin er 3,4 milliardir krónur í okkara peningi.

Ein dómstólur skal góðkenna avtaluna millum avstralska fíggjareftirlitið og bankan, áðrenn hon kemur í gildi.

Commonwealth Bank varð í fjør ákærdur fyri at hava brotið lógina, sum skal forða fyri, at brotsmenn gera sær dælt av at lata bankaskipanina hvíttvaska pening.

Bankin hevur viðurkent, at í 53.000 førum hevur hann verið ov seinur at lata fíggjareftirlitinum upplýsingar um reiðan pening, sum er fluttur gjøgnum bankan.