Trump kann náða seg sjálvan

- Sum fleiri løgfrøðiligir serfrøðingar hava staðfest, so havi eg fullan rætt at náða meg sjálvan, skrivar forsetin í Twitterboðum í gjár:

As has been stated by numerous legal scholars, I have the absolute right to PARDON myself, but why would I do that when I have done nothing wrong? In the meantime, the never ending Witch Hunt, led by 13 very Angry and Conflicted Democrats (& others) continues into the mid-terms!

— Donald J. Trump (@realDonaldTrump) June 4, 2018

Boðini eru viðmerking til eitt bræv frá advokatum hjá Trump, og sum nýliga er almannakunngjørt. Har verður sagt, at forsetin ikki kann rættarsøkjast fyri at hava roynt at forðað kanningararbeiðnum, og eisini at hann kann náða seg sjálvan, um tað skuldi verið neyðugt.

Trump heldur kortini ikki, at tað verður neyðugt hjá sær at brúka hendan rættin, tí hann hevur einki skeivt gjørt.

The appointment of the Special Counsel is totally UNCONSTITUTIONAL! Despite that, we play the game because I, unlike the Democrats, have done nothing wrong!

— Donald J. Trump (@realDonaldTrump) June 4, 2018

Sunnudagin segði advokaturin hjá Trump, Rudy Giuliani, í sjónvarpssamrøðu, at tað hevði verið óhugsandi, at Trump hevði tikið stigið at náða seg sjálvan. Forsetin hevur einki skeivt gjørt og hevur tí onga orsøk at náa seg sjálvan, segði Giuliani við NBC.

Trump er sjálvur sannførdur um, at tað er í stríð við grundlógina, at Robert Mueller er tilnevndur sum serligt kanninginarfólk, men hann grundgevur ikki fyri, hví hann heldur tað.

Sambært CNN, eru serfrøðingar í løgfrøði samdir um, at forsetin hevur heimild at forða kanningararbeiði. Stóri spurningurin er, hví hann ger tað, og um ætlanirnar hava verið í stríð við lógina.

Í eini kanning hjá Brookings Institution í oktober í fjør er niðurstøðan, at tað var villeiðandi atgerð, at Trump segði stjóran í FBI, James Comey, úr starvi.

Í niðurstøðuni stendur, at tað, at forsetin hevur rættarligan myndugleika til at virka, merkir ikki, at hann er immunur, um handlingin er framd við ólógligum endamáli at forða kanningararbeiði grundað á skeivt endamál, stendur í frágreiðingini.