Bumbuhóttanir í HM-býi

Sagt varð, at bumbur vórðu lagdar fleiri staðni í býnum, sigur løgreglan á staðnum, sambært Reuters.

Løgreglan kannaði økini, men fann ongar bumbur, sigur hon.

Fólk á meira enn 20 barrum og matstovum vórðu flutt burtur úr økinum í gjárkvøldið, meðan kanningarnar vórðu gjørdar, sigur ein løgreglumaður sambært svenska kringvarpinum, SVT.

Altjóða fótbóltssamgongan, FIFA, hevur enn ikki gjørt viðmerkingar til bumbuhóttanirnar í Rostov-við-Don, har Ísland ígjár spældi móti Kroatia í býnum, og Kroatia vann.

Býurin liggur við ánna Don nærindis markinum til Ukreina.

Higartil eru fýra HM-dystir spældir í Rostov-við-Don, sum er einar 90 kilometar sunnan fyri Moskva. 

Næsti dystur verður eftir ætlan spældur mánadagin. 

Í fjør-summar vóru eisini fleiri falskar bumbuhóttanir móti býum í øllum landinum, skrivar NTB-tíðindastovan.