Modric besti spælari í HM

Kroatin, Luka Modric, var besti spælarin í HM-kappingini í Russlandi. 

Heiðurin fekk hann beint eftir finaluna á Luzhniki-vøllinum í Moskva í gjárkvøldið. 

Sostatt fær kroatiski liðskiparin eitt lítið plástur á sárið, eftir at Kroatia tapti fyri Fraklandi í HM-finaluni í gjárkvøldið.

19 ára gamli úrmælingurin á franska landsliðnum, Kylian Mbappe, bleiv valdur til besta, unga spælara í HM-endaspælinum.

Toppskjútti í kappingini gjørdist Harry Kane, sum skjeyt seks mál fyri Ongland. 

Frakland er heimsmeistari í fótbólti eftir at hava vunnið 4-2 í finaluni móti Kroatia, sum fekk silvurheiðursmerkini.

Belgia endaði á triðja plássi, eftir at liðið leygardagin vann bronsudystin móti Onglandi 2-0.

Næsta HM-kappingin í fótbólti verður í Qatar í november/desember í 2022.