Góðkend ættleiðingarforeldur minka í tali

Í 2010 vórðu 10 góðkenningar av ættleiðingarforeldrum, men síðani tá er talið minkað.

 í 2016 var ein góðkenning, og í fjør var ongin góðkenning.

Eitt barn varð ættleitt til Føroya úr útlandinum í fjør, og tríggjar ættleiðingar vóru av fosturbørnum, sæst í ársfrágreiðingini hjá ríkisumboðnum.

Í ársfrágreiðingini sæst eisini, at 57 hjúnskilnaðir vóru í Føroyum í fjør gjøgnum Ríkisumboðið.  

Í 46 av førunum vóru hjúnini separerað, áðrenn tey vórðu skild. Í sjey førum var talan um ótrúskap, og í tveimum førum høvdu hjúnini ikki búð saman í tvey ár, sæst í ársfrágreiðingini hjá ríkisumboðnum.