Hóast avhoyringar veit løgreglan einki um bilin

Hóast løgreglan hevur avhoyrt nøkur fólk, veit hon ikki, hví ein persónbilur fór á sjógv av gamla leirvíksvegnum.

Løgreglan vil framvegis frætta frá fólki, sum kanska vita okkurt um bilin, sum er ein bláur og hvítur Morris Cooper.

Fólk kunnu ringja 114, sum er nummarið hjá løgregluni.

Tað var stutt fyri middagssleitið mikudagin, at løgreglan fekk boð frá fjallfólki í Leirvík um, at ein bilur var farin útav á gamla leirvíksvegnum og lá á sjónum. Bilurin lá á fimm metra dýpi, fimm metrar úr landi.

Løgreglan staðfesti skjótt, at einki fólk var í bilinum ella undir honum.

Løgreglan sigur, at eingin er saknaður heldur, heldur ikki útlendsk ferðafólk.