U20 í hálvfinaluni

U20 í hálvfinaluni
Tað eydnaðist føroyska U20 manslandsliðnum í hondbólti at spæla seg til hálvfinaluna í B-EM-undankappingini í gjár
Mynd: Hondbóltssamband Føroya  
 
27.07.2018 - 08:26

Tað eydnaðist føroyska U20 manslandsliðnum í hondbólti at spæla seg til hálvfinaluna í B-EM-undankappingini í gjár, tá teir vunnu sannførandi 29-22 á Hvítarusslandi.

Nú er eisini greitt, at Føroyar skulu spæla ímóti heimaliðnum Makedonia í hálvfinaluni, sum verður spæld leygardagin. 

Makedonia vann bólk B í undankappingini, so talan er um eitt gott lið, men Hjalmar Klein Olsen, hjálparvenjari hjá U20 landsliðnum, segði við útvarpið í gjár, at Makedonia var tað liðið, ið teir helst vildi møta í eini hálvfinalu.

Hvítarussland og Sveits spæla í hinari hálvfinaluni.

Í dystinum í gjár móti Hvítarusslandi var tað serliga Vilhelm Poulsen, ið skaraði framúr við sínum 10 málum.

Høgni Zachariassen fekk seks mál og Brandur Halgirsson fekk fýra mál. 

Niklas Hanusarson og Tróndur Wardum fingu hvør síni trý og Hallur Arason, Leivur Mortensen og Djóni Petersen fingu allir hvør sítt mál.

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592