Vunnu næsta dystin sannførandi

U18 landsliðið hjá monnum vunnu í morgun sannførandi móti Estlandi. 

Føroyar luttaka í hesum døgum í EM-kapping, sum verður spæld í Georgia. Føroyingar spældu fyrsta dystin í gjár, tá teir tóku ímóti Luxemburg. Tann dystin tapti Føroyar. 

Í morgun gekk betri. Føroyar hevði gott tak á Estlendska liðnum, og Føroyar lógu á odda at kalla allan dystin. Tá farið varð til hálvleiks var støðan 10-6 til Føroyar. Føroyingarnir øktu um leiðsluna í seinna hálvleiki og vunnu dystin 31-21. 

Pauli Jacobsen, sum spælir við H71, var valdur til dagsins leikara.

Føroyar spæla aftur mánamorgunin klokkan 10, tá hitta teir Makedonia.