Vunnu stórsigur á Litava

Føroyar vunnu 34-23 í dag á Litava í EM-undankappingini fyri U18 landslið hjá monnum.

Støðan í hálvleikinum var 18-14 til Føroyar. Málverjin, Pauli Jacobsen var valdur til dagsins leikara.

Við sigrinum í dag eru føroyska liðið komið uppá fýra stig fyri fýra dystir. Føroyar eru á triðja plássi í sínum bólki. Frammanfyri Føroyar eru Makedonia og Sveis.

Næsti dystur hjá Føroyum verður júst ímóti Sveis. Tann dysturin skal spælast hósdagin klokkan 13.

Skulu Føroyar hava ein møguleika at koma víðari úr bólkinum, skal ein sigur á Sveis helst til.