Aftur grindaboð í Vágunum

Talan kann vera um ein bólk, sum slapp í rakstrinum í gjár, tá ein grind varð funnin tríggjar fjórðingurar úr Trølanípuni seinnapartin í gjár. 

Sambært vakthavandi á løgreglustøðini var grindin funnin tætt við aliringarnar hjá Luna stutt aftaná klokkan 7 í morgun.

Grindin er tó heilt lítil sambært metingunum, og tí er ivasamt, um hon verður hildin til. Ta avgerðina tekur sýslumaðurin, sum tó enn er upptikin av at skera upp í Miðvági.

Tá hann er liðugur har, verður støða tikin til, um grindin í Sørvági verður rikin.