Útlendskar kvinnur skulu ikki gjalda fyri føðing

Útlendskar kvinnur skulu ikki gjalda fyri føðing
Sum er, skulu útlendskar kvinnur, sum eiga í Føroyum, gjalda fyri føðinga. Hetta skal broytast, sigur Sirið Stenberg, landsstýriskvinna
 
22.08.2018 - 14:11

Ein rokning frá føroyska sjúkrahúsverkinum er tað fyrsta, summir nýføðingar fáa, hóast pápin er føroyingur.

- Tað snýr seg um tær kvinnur, sum ikki hava fingið uppihaldsloyvi í Føroyum, segði Jenis av Rana løgtingsmaður og formaður í Miðflokkinum, í løgtinginum í gjár. Tær hava fingið at vita, at tá tær eiga, so fáa tær eina rokning. 

Rokningin er 22.000 krónur, visti Jenis av Rana at siga.

Sirið Stenberg, landsstýriskvinna, váttaði, at útlendskar kvinnur eiga at gjalda, tá tær eiga á Føðideildini. Men hetta verður broytt, hóast tað ikki er bara sum at siga tað.

- Í sjúkrahúslógini er ein karantena, sum ásetir, at tú skalt hava búð í Føroyum í seks vikur fyri at hava full rættindi, segði Sirið Stenberg í svari til Jenis av Rana. 

Landsstýriskvinnan vil hava karantenuna avtikna, tá tað snýr seg um barnakonur. Fólk koma í trupulleikar av hesi karantenu, tí pappírini eru ikki komin í rætt lag, áðrenn konan skal eiga, segði Sirið Stenberg.

Sambært Sirið Stenberg er tað tó trupult at broyta hetta, tí partur av lóggávuni á heilsuøkinum er ikki yvirtikið, og tískil skal málið helst viðgerast á Fólkatingið. Landsstýriskvinnan segði, at arbeitt verður við málinum, so tað vónandi verður broytt.

- Vit hava allan áhuga í at fáa tað broytt, soleiðis at øll børn koma væl og virðiliga og ókeypis til verðina í Føroyum. 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585