Viðgera eykajáttan

Løgtingið skal í dag viðgera uppskotið hjá Miðflokkinum um at lata 17 milliónir í eykajáttan til Landssjúkrahúsið.

Peningurin er til raksturin á Landssjúkrahúsinum.

Í viðmerkingum til uppskotið verður sagt, at endamálið er at tryggja, at verandi virksemi kann halda fram ótarnað, og at ikki skal vera neyðugt at útseta viðgerðir til komandi ár. Hetta er galdandi fyri allar viðgerðir, bæði heima og uttanlands.

Fyrr í ár kom undan kavi, at Landsjúkrahúsinum tørvaði 20 milliónir krónir.

Landssjúkrahúsið fekk í summar 7 milliónir krónir í eykajáttan. Tað, ið restaði í var funnið við sparingum og at útseta ymiskt.

Eitt annað uppskot er í tingum um eykajáttan. Tað uppskotið eigur landsstýriskvinnan í Fíggjarmálum.

Við tí uppskotinum verður løgtingið biðið um at játtað 10 milliónir krónir til Landssjúkrahúsið og serviðgerð uttanlands.

Løgtingsfundurin í dag byrjar klokkan 10.

Tilsamans níggju mál eru á skránni.