- Tíðindi, mentan og ítróttur
Fólkaflokkurin nógv størstur í nýggjari kanning
![](https://kvf.fo/sites/default/files/styles/grein-ovasta-mynd/public/jorgen_niclasen_1.jpg?itok=dgHHvR7c)
Veljarakanningin vísir, at 27,5 prosent av spurdu veljarunum siga seg fara at seta krossin við Fólkaflokkin, sum so hevði fingið 9 tingsessir, um val var nú. Hetta eru trý tingfólk meira enn Fólkaflokkurin hevur í dag
Núverandi andstøða stendur at fáa 18 tingfólk, og samgonguflokkarnir 15 eftir hesi kanningini fyri Portalin.
Úrslitið vísir, at Javnaðarflokkurin gongur nógv aftur. Hann fær 17,3 prosent og seks umboð á tingi.
Sambandsflokkurin fær 17,3 prosent.
Tjóðveldi fær 20,8 prosent av atkvøðunum og er á sama stigi, sum á løgtingsvalinum seinast.
Sjálvstýri fær eitt tingfólk, og Framsókn og Miðflokkurin fáa tvey í part.
Spyr.fo sigur, at óvissan er millum 1,8 og 3,9 prosentstig.
500 fólk svaraðu kanningini, sum varð gjørd í gjár millum kl. 18:58 - 19:46.
Úrslitini eru vigað við atliti at, hvat fólk valdu til løgtingsvalið 2015, sigur spyr.fo um kanningina. Og lesið meira um hana á portal.fo.